茶餐廳逸事
這一間茶餐廳位於彌敦道上。
（一）
午餐時間，遊客洋女獨自光顧茶餐廳。侍應哥仔醒目地遞上中英文對照的菜單。洋女翻兩頁，禮貌地點了一客 Fried Rice。侍應哥仔非常得體地問：Would you like to order some drinks? 洋女說不。他寫單離去前總結一問：That’s all? Thank you very much.
不是維港powerpoint*不是星光大道不是昂平360不是國際金融中心－－侍應哥仔從容無誤的職業英語，方才是我第一次，對「亞洲國際都會」這個自封的雅號，放下鄙夷尷尬。回心一想，我們去過的亞洲城市也不算少，隨便走進一家平常市民光顧的食肆，找到能夠溝通的服務員的機會，確實不樂觀。這位不會對著鏡頭宣稱「That’s Right! 多一份信心多一份認同」的哥仔，是你叫香港當得起Asia’s World City！
（二）
已經晚上九時多了。先生和我二人佔了茶餐廳的卡座。店裡很靜。我們還在考慮吃甚麼的時候，一位漂亮的電視藝員進來買外賣。收銀呀姐和侍應呀叔殷勤招待她，微笑的她態度很可親也有禮。我先生當然完全認不出也不為意，召來侍應呀叔寫菜。呀叔站在我身旁，先生在我對面。
先生：一碗牛腩河。
呀叔：係，仲有呢？
先生：油菜有咩揀？
呀叔：生菜菜心
（見我眼光朝藝員八卦地看，跟我說悄悄話）
真人好瘦呀呵？
我笑：係呀。
先生：（仍渾然不覺）生菜，全走丫唔該。
呀叔：嗯。全走……
（突然又悄悄話）
要唔要簽名呀？幫你問喇！
（向我翻弄記單的草紙簿示意）
我笑：唔要呀！！
藝員走了之後，收銀呀姐侍應呀叔自然就開始談論她了。嘩越來越瘦呀！幾好人呀佢。「叫咩名話？」「咩慧呀嘛。」**
我又笑了。
*我們給「幻彩詠香江」的暱稱
**那位藝員叫蒙嘉慧。
我通常叫「幻彩fing香江」～
你先生真係眼觀鼻,鼻觀心，令人好放心!
(還是近視太深的之故?)(笑)
亮! 真係FING喎又,果D彩光 :)
雙雙宜, 哈, 你自己問吓佢~
而家先知你結左婚! 哈哈,
係我心目中永遠唔會長大,永遠廿頭
小奧,讀了你的留言,內心一陣暖意。謝謝你啊…..
:)
涼風輕輕吹到 悄然進了我衣襟
夏天偷去聽不見聲音
日子匆匆走過倍令我有百感生